خلاص مالك بالغلا عندي حقوووق

خلاص مالك بالغلا عندي حقوق
كسرت قلبي لين خانتك الاشواق
ابعد ترى حبك عن القلب مفهوق
غيرك ترى بلقى حبايب وعشاق
بلقى بدالك صاحبن يعرف الذوق
ماهو بمثلك خاين العهد بواق
حرقت قلبي والبلا كان محروق
بانت حقيقة لعبتك والعقل فاق
كتبت انا لجلك من الشعر طاروق
عنوانه الفرقا عقب ماني اشتاق
ابعد عسى في غيبتي ينزرع شوق
في قلبك اللي ماعرف طعم الاشواق
في ذمتي تندم ودمعك من الموق
والدمع من عينك سحايب ودفاق
مانيب متحسف ولاني بمطفوق
الله رفع قدري عن عيون الاطفاق
جرحتني لاكن حماني من العوق
من يستجيب العبد من قبل الاشراق
خلاص مالك بالغلا عندي احقوق
كسرت قلبي لين خانتك الاشواق